pausas XLIII

Mansica, quanto gusto de te oubir

Nas falas dua mai pa l sou ninico,

Quando l beisa, l fai fiêstas i l fai rir...

Quando l pon nun canastro, acoxadico,

L le canta l ró-ró para drumir...

...

Tamien gusto de oubir-te, cun dureza,

Restralhada por homes anfadados

Ou por ties a lidáren cun rudeza;

Gritada por rapazes destrabados,

I chorada por uôlhos de tristeza!...

Oubir-te, quiêro oubir-te a qualquiêr hora,

An todos los mil tonos i sonidos

Cun que puôdas chegar a mius oubidos!

«Pequeno Vocabulário Mirandês-Português»; Moisés Pires